„Den Tag müss ma uns im Kalender ganz dick anstreichn!“, grinst Hartmut, als fast zeitgleich Stammtischbruder Harald zur Tür rein kommt. „Harald, pünktlich auf die Minute!“, ergänzt Mane grinsend. Er sitzt schon eine Weile. Der Durst hat ihn etwas früher zum Stammtisch getrieben. „Du pünktlich“, sagt Mane zu Harald. „Bist Du krank?“ „Nein, ich bin nicht krank“, erwidert Harald in sich hinein grinsend. „Aber ich erzähl Euch glei a mal a Gschicht von Ärzten! Also eigentlich vo unserer Oma. Eine Story, da brichts Du ab. Unser Sohn, also der Enkel vo da Oma logischerweise, der Tobi, macht ja Musik mit a paar Freind. Jetzt war der gestern beim Kaffee trinken mit am Tisch und unser Oma war natürlich a dabei. Mit der hammas nimmer sooo leicht. Kurz vor 90 hört sie a nimmer so guat. Aber sie interessiert si noch für alles, was passiert auf der Welt, schaut jedn Tog Nachrichtn und wenn ihr Fernseh im erstn Stock lafft, sparn wir uns unten den Radio.“

Jetzt fragt die Oma gestern den Tobi: „Na Bua, wie geht’s dann olweil?“ „Ja, soweit guat. Am Mittwoch muss i halt zum CT.“ „Ah, Ihr machts a neie CD? Suppa!“  „Na Oma, zum Doktor muss i.“ „Ah so?! Jetz machen die Doktorn a scho Musik ... aber nebenbei, oder? Na ja, die hams fei net so leicht! Die müssn a schaun wos bleibn. Erscht letzte Woch im Fernseh hams gsagt, dass die Ärzte nur 30 Euro für jeden Patienten griang. Einmal fürs ganze Quartal, also für drei Monat! Egal wie oft der Patient bei dem aufschlagt! Wenn da Doktor Pech hat, kummt der jedn Dog wega irgend am Zipperlein. Und des dann quasi für 33 Cent!“ Mei liaba, da versteht ma, dass die Ärzte was nebnbei machn müssn!“ Und nach am Schlückerl Kaffee fallt ihr plötzlich ein „Ham sich da net sogar mehrere Doktorn zam doa und a Band gmacht? Die Ärzte hoaßn die doch oder?!“


„Oh mei Oma, des san koane Ärzte, des san normale Musiker!“ „A, gibt’s des a? Normale Musiker …? Im Fernseh wor doch jetz der Eurovisions-Schmnarrn. I sogs da, da fragst die scho, wer hat da des Türdl vo welchem Nervenkranknhaus offen lassen! A so a Schei….! “ „Geh Oma, die Zeitn ändern sich und die Musik ebn a. Des is ganz normal!“ „Wos is des? Wenn des normal is, is da Trump Professor und sei Hofnarr Wissnschaftler! Na Buah, dann schauts na wenigstns, dass Ihr a gscheide Musik machts. Zu welchn Doktor geht’s na? Scho zum Hals Nasn Ohren, oder? Der hört des ja alles vuil besser!“ „Nein Oma, ein CT wird gemacht, Buildn!“  „Ja moanst des versteh i ebba net? Logo!“ Und nach einer kleinen Denkpause und einem Gaberl Apfelstrudel sagt´d Oma: „Dann schau ner Bua, das die Buildn was wern. Also der Elvis wenn greißlich gwesn wär, der hätt niemals so vuil Plattn verkauft!“

 „Ja die Omas“, sagt da Harmut nachdenklich. „Samma froh, wenns no bei uns san. Geh Wirt, bring uns a Rundn. Trink ma auf die Omas! Und wennst mogst, hau a mol die CD vo die Ärzte eina!“